![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A nomenclatura quimica d'os compuestos organicos ye un metodo de nombramiento d'os compuestos quimicos organicos seguntes recomienda[1] la Unión Internacional de Quimica Pura e Aplicata u IUPAC per as suyas siglas en anglés. Se publica en o libro Nomenclature of Organic Chemistry (dito de traza informal o Libro Azul). Idealment, tot compuesto organico posible deberba haber un nombre sobre que se puet crear una formula estructural inentivoca. Bi ha tamién una nomenclatura quimica d'os compuestos inorganicos recomendata per a IUPAC.
Ta privar luengos e tediosos nombres en a parla habitual, as recomendacions oficials d'a IUPAC no perén se siguen en a practica, treito de cuan cal amanir una definición inentivoca e absoluta ta un compuesto. Os nombres IUPAC a vegadas pueden estar mas simples que os nombres viellos, como per eixemplo, etanol, en cuenta de etilalcohol. Manimenos, ta moleculas relativament simplas, se pueden replecar de traza mas sencilla os nombres no sistematicos, que deben aprender-se chitar-lis una gollada. Sindembargo, o nombre trivial u común ye a ormino mas curto e claro e, por tanto, o preferito. Istos nombres no sistematicos a sobén promanan d'una fuent orichinal d'o compuesto. Tamién, os nombre muito luengos pueden estar menos claros que as formulas estructurals.